Polizisten unter uns?

S

Schlumpf87

Benutzer
13. Mai 2009
53
0
0
37
Hallo Leute

Wollte mal fragen ob wir hier auch Polizisten/innen unter uns haben?

Hab ein paar Fragen zum Beruf und möchte meine Infos aus erster Hand ;)

könnt mir gerne auch per PN schreiben

Danke

 
Mein Dad und mein Freund sind beide bei der Polizei. Wenn du willst, stelle ich ihnen deine Fragen gerne und ich leite sie dir weiter!

 
oke danke :)

Ich hab mich im Internet etwas informiert und hab mir auch die Tabelle für den Fitnesstest angesehen, mit etwas Training bin ich ziemlich sicher dass ich das schaffen kann.
Was mich jetzt sehr interessieren würde ist wie der Allgemeinbildungs-Test und der psychologische Test in Etwa aussehen? (vorallem der Psycho-Test)

Ich hab letztes Jahr eine Lehre als Bauzeichnerin abgeschlossen und fühle mich mittlerweile sehr unterfordert in meinem Beruf. Ich brauche etwas bei dem ich mental und körperlich mehr gefordert bin... und da bin ich auf die Polizei gestossen :) ... und um ehrlich zu sein ist mir der volle Lohn während der Ausbildung auch sehr willkommen, da ich nicht mehr bei meinen Eltern wohne und auf das Geld angewiesen bin ^^

 
OK, ich werde zuhause mal nachfragen, wie das so aussieht.

Ich selber habe die Aufnahmeprüfung des Grenzwachtkorps gemacht, da war die Allgemeinbildung Schweiz-bezogen und der "Psychotest" bestand aus einem Leseverständnis integriert in ein persönliches Gespräch mit 2 Offizieren.

Aber soweit ich weiss, ist das bei der Polizei etwas anders.

Bei welchem Korps willst du dich bewerben?

 
Mali und Diuk sind bei der Polizei.
Zum Vergrößern anklicken....
Bisch äs Plappermüli. 8)

@Schlumpf87

Bim Allgemeintescht gib ig dr Tipp, viel Zytig läsä!

Geographie u Schwyzergschicht, je nachdäm i wellem Kanton dr Tescht machsch, würd mi no chli in d'Kantonsgschicht iläsä. Rächnä chunnt meischtens ou und dr Duurbrönner isch dr Ufsatz.

Mitem Psychologischä cha dr nid wieterhälfä. Das isch bi jedem Korps angers. Tipp: Blieb natürlech u verstell di ja nid.

I hoff, i ha dr chli chönnä wieterhälfä.

Lg

PS: Hesch d'Rekruteschuel gmacht? Wird bi dä meischtä Korps gwünscht.

 
hei merci veeeel mol für die Antworte!!!

hmm oke de werdi wohl no chli Zürcher Gschicht müesse büffle... wett mich bi de Kapo ZH bewerbe :) aber ersch so in zwöi Mönet oder so, wett mi rechtig vorbereite... vorallem nachdem ich euchi Tipps gläse han :D
ne d'RS hani ned gmacht... chönti zwar no und eigentlech hätis au gern gmacht aber ich bi dr Meinig dasi de Verein ned wett unterstütze bi dem ganze Seich wo die ide letschte Johre verbockt hend... en Ex-Schuelkolleg vo mir isch vor öbbe 1.5 Johr ide RS umcho...

en anderi Frog no, wie schwer isch das wohl ufgnoh z'werde? also ich han ebe einersiits ghört dass si fascht jede Depp ufnähme wo de mindescht Aforderige grächt wärde... anderersiits au das es mega schwer isch :S

 
I ha zwor kei Ahnig vo all dem aber was genau willsch denn bi dr Polizei macha? S git ja en huufa Spartena.

Wär i di br Bullerei gäbts für mi nur eis: Diensthundefüahrer :]

 
du bisch fiis jetzt hesch mi voll verwütscht :D das wär au mis Ziel... aber eigtl beni für alles offe... bi de Kapo ZH (weiss ned wie das bi de andere Korps isch) gohts eh mega lang bis dich überhaupt chasch spezialisiere (2 Johr Usbildig, 2 Johr bide Flughafepolizei, 2-5 Johr Verkehrspolizei oder Staatsawaltschaft uuuund denn no 6 Johr Regionalpolizei... puh)... doher chas au guet möglech sii dasi bis denne mini Meinig gänderet han ^^

 
mhmmmm... defür gsehsch alli Spartene sodass di für das chasch entscheide wo der würkli liit =) und ich find eifach d'Abwächslig und d'Herusforderig mega intressant
ich wür da echt sooo gern mache!! de einzig Punkt woni mini Zwiifel han isch ob ich psychisch gnue belaschtbar be... cha das ergendwie garned ischätze, aber das fendi halt erscht use wennis "usprobiert" han ^^

 
Jo das stimmt scho. Intressant isch sicher jedi Sparta uf ihri eigeni Art und Wiis und ob knueg belastbar bisch wirsch denn sicher merka. I hoffs jetz ned aber wenns ned so wär denn kasch zumindest säga dases immerhin probiert häsch. Vieli denken jo scho im vornhinen dass sie das eh ned schaffend und erst gärned dr ersti Schritt machend

 
Ich han mal einere vode Kapo gschriebe btr Hundefüehrer,
und da bisch ca 4Jahr bide Polizei und denn fangsch dUsbildig ah, wenn ichs no richtig im Kopf han.

Schrieb doch de Kapo mal, sie erklärets der ime Mail ganz guet, also das Züg zude Usbildig wo dich intressiert. Oder chasch ja au mal alüte und viellicht mit öpperem grad eso rede wo Zyt het

 
hmmm cha natürli au sii das es da ergendwie abchürzige git wod chasch neh wennd scho genau weisch was wetsch :) aber die zwöi Johr Flughafepolizei sind glaub würkli Pflicht z'ZH

das isch en gueti idee mitm alüte!! glaub da machi :D

 
Original von Mali

PS: Hesch d'Rekruteschuel gmacht? Wird bi dä meischtä Korps gwünscht.
Zum Vergrößern anklicken....
Dass Fraue d RS mached??????

(Fändi nöd so toll, d RS isch ja nöd eifach so öppis wo mer schnäll schnäll easy macht.....)

Ja du, min Fründ hät öppe s Gliiche gseit wie d Mali :D

Er isch bi de Stapo Züri. Dört händs au rächt jungi Hundefüehrer, aber es isch glaub nöd ganz eifach, a sonen Poste z cho. Aber wänn du de Ehrgiiz häsch und s würkli wötsch, dänn packsch das sicher :D

Ich bin u.a. bim GWK usträtte, wills bis zu 7 Jahr gange wär, dass ich mich hätti chöne mälde wägeme Diensthund. Das hät mi agurkt.

 
Dass Fraue d RS mached??????

(Fändi nöd so toll, d RS isch ja nöd eifach so öppis wo mer schnäll schnäll easy macht.....)
Zum Vergrößern anklicken....
Oltä het zum Bischpiel die Aforderig.

Schnäll, schnäll sicher nid, aber sie isch z'schaffä. Oh wes äs Korps no nid verlangt, hilfts ungemein wemmä d'RS gmacht het.

 
Ui, krass..... isch ja würkli nöd jederFRAUS Ding, d RS zmache. Vor allem will das ja d Arbetgeber sicher nöd gern gsehnd, mer mues uf Iikomme verzichte (EO isch ja nöd de 100% Lohn, wänn mer kein Job hät), mer ufs Privatlebe mues verzichte, etc.

Chani nöd ganz nahvollzieh. Sportlich sii und scho mal e Waffe ide Hand gha ha und lerne Autoritäte z respektiere chan mer au ohni RS :D

Sicher hilfts, aber nur will d Polizei quasi "paramilitärisch" isch, findi mues es für Fraue nöd unbedingt notwendig sii.

(Wenigstens wird mer aber mit Iitritt id Polizeischuel dienstbefreit.....)

 
Du musst dich einloggen oder registrieren, um hier zu antworten.
Oben Unten
Zurück